"髮"路 Part 2

好喇佬豆卒之出場喇. 相信好多男仔嘅童年大多數都係佬豆帶我哋去飛髮鋪嘅啱嘛? (係咪諗到好多回憶咧) 好喇! 媽子就帶我去洗頭喇.... 咁佬豆點咧? 好! 就 Order 佢帶我去飛髮, 兩父子齊齊踏入"女子飛髮鋪"! (喂!唔好諗歪, 我講嘅係當年我住嗰區一間都幾有名氣嘅'專男"去嘅飛髮鋪)
當踏入呢間"女子飛髮鋪" 一陣冷氣迎面咁飄來我嘅身軀成個人都精神晒! 緊住有位好鬼風騷嘅師奶行埋我啲喥仲同我佬豆講:"喂發哥! 乜咁得閒嚟坐呀! 仲帶埋個仔嚟呀!?" 緊住仲例手子咁搣我嘅塊面豬 "好得意喎你個仔!" 我心諗,難怪呢間咁嘅嘢係專男嘅飛髮鋪喇! 原來係咁嘅!
好記得當時啲師奶幫我剪頭髮喺有塊木板擺係張傅手嘅踦上. "細路,唔好郁啊! 姨姨幫你剪靚靚啊!" (仲當我喺三歲嘅細路啊! 吊! 好! 就睇下你用乜法寶幫我飛個靚髮至得!) 哇嘥! 好痛呀! Auntie 你係喥剪乜呀咁鬼痛嘅! 噢! 姨姨幫你剪嗰個新嘅髮型喺時下最流行嘅髮型嚟㗎! (等我話你知有幾痛, 就好似俾人扯你嘅頭髮, 仲喺一喳喳咁扯! 你話痛唔痛啊大佬!!) 經過佐十五分鐘嘅折磨, 我嘅頭皮仲慘過阿雪 (阿雪係乜水? 係一部超度極慘嘅日劇嘅女主角) 攪掂喇! 嗱!你睇喺咪好靚咧!? 仲有鬼心情睇咩都未痛完,話口未完睇睇塊鏡.........哇啊!! 好型仔喎!! Auntie,auntie 乜髮型嚟㗎? 之前咪同你講過囉! 係時下最流行嘅髮型! 稱為........
稱為乜咧?? 大家估唔估到80年初流行緊乜嘢髮型呀??
Part 3 話你知喇.......